പ്രേക്ഷകശ്രദ്ധ നേടി തിയറ്ററുകളില് തുടരുന്ന മമ്മൂട്ടി ചിത്രം റോഷാക്കിന്റെ യൂറോപ്യന് റിലീസ് ഇന്ന്. കഴിഞ്ഞ വാരം ഇന്ത്യക്കൊപ്പം യുഎഇ, ഖത്തര്, ബഹ്റിന്, കുവൈറ്റ്, ഒമാന് എന്നിവിടങ്ങളിലാണ് ചിത്രം ആദ്യം എത്തിയത്. യൂറോപ്പില് ഉള്പ്പെടെ കൂടുതല് വിജേശ രാജ്യങ്ങളില് ഈ വാരം ചിത്രം പ്രദര്ശനം ആരംഭിക്കുകയാണ്. ഓസ്ട്രേലിയയിലും ന്യൂസന്ഡിലും ഇന്നലെ ചിത്രം പ്രദര്ശനം ആരംഭിച്ചിരുന്നു.യുകെ, അയര്ലന്ഡ്, ജര്മനി, ഇറ്റലി, നെതര്ലാന്ഡ്സ്, മാള്ട്ട, മോള്ഡോവ, ജോര്ജിയ, ലക്സംബര്ഗ്, പോളണ്ട്, ബെല്ജിയം, ഓസ്ട്രിയ എന്നീ യൂറോപ്യന് രാജ്യങ്ങളിലാണ് ഇന്ന് മുതല് ചിത്രം പ്രദര്ശനം ആരംഭിക്കുന്നത്. സൌദി അറേബ്യയിലും ഈ വാരമാണ് റിലീസ്. ഇന്ത്യയിലും സൌദി ഒഴികെയുള്ള ജിസിസി രാജ്യങ്ങളിലെയും റിലീസിനു പിന്നാലെ വന് മൌത്ത് പബ്ലിസിറ്റി നേടിയ ചിത്രം കൂടുതല് വിദേശ മാര്ക്കറ്റുകളിലേക്ക് എത്തുന്നതോടെ കളക്ഷനിലും കാര്യമായ മുന്നേറ്റം ഉണ്ടാക്കാനാവുമെന്നാണ് വിലയിരുത്തല്.
മമ്മൂട്ടി ചിത്രം റോഷാക്കിന്റെ യൂറോപ്യന് റിലീസ് ഇന്ന്
RELATED ARTICLES