മോഹന്ലാല് ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘മോണ്സ്റ്റര്’. വൈശാഖ് സംവിധാനം ചെയ്യുന്ന ചിത്രത്തിന്റെ ട്രെയിലര് പുറത്തുവന്നിരിക്കുകയാണ്. ആശീര്വാദ് സിനിമാസ് യൂട്യൂബ് ചാനലിലൂടെയാണ് ട്രെയിലര് പുറത്തുവിട്ടത്.
ത്രില്ലര് സ്വഭാവമുള്ള ചിത്രത്തിന്റെ ട്രെയ്ലര് നിഗൂഢത ഉണര്ത്തുന്ന ഒന്നാണ്. ലക്കി സിംഗ് എന്ന കഥാപാത്രമായാണ് മോഹന്ലാല് എത്തുന്നത്. മോഹന്ലാല് രണ്ട് ഗെറ്റപ്പുകളില് ട്രെയിലറില് പ്രത്യക്ഷപ്പെടുന്നുണ്ട്. സിദ്ധിഖ്, ലെന, സാധിക വേണുഗോപാല്, ഗണേഷ് കുമാര് എന്നിവരെ ട്രെയിലറില് കാണാം.
മലയാളത്തിലെ ആദ്യത്തെ 100 കോടി ചിത്രമായ പുലിമുരുകന് ശേഷം വൈശാഖും മോഹന്ലാലും വീണ്ടും ഒന്നിക്കുന്ന ചിത്രമെന്ന പ്രത്യേകതയും മോണ്സ്റ്ററിനുണ്ട്. ഉദയ് കൃഷ്ണയാണ് മോണ്സ്റ്ററിന്റെ തിരക്കഥ ഒരുക്കിയിരിക്കുന്നത്. ഒക്ടോബര് 21ന് ദീപാവലി റിലീസായി ചിത്രം റിലീസ് ചെയ്യുമെന്ന് ട്രേഡ് അനലിസ്റ്റായ ശ്രീധര് പിള്ള അടുത്തിടെ ട്വീറ്റ് ചെയ്തിരുന്നു.
ഛായാഗ്രഹണം സതീഷ് കുറുപ്പ്, എഡിറ്റിംഗ് ഷമീര് മുഹമ്മദ്, സംഗീതം ദീപക് ദേവ്, പ്രൊഡക്ഷന് കണ്ട്രോളര് സിദ്ധു പനയ്ക്കല്, സംഘട്ടനം സ്റ്റണ്ട് സില്വ, വസ്ത്രാലങ്കാരം സുജിത്ത് സുധാകരന്, സ്റ്റില്സ് ബെന്നറ്റ് എം വര്ഗീസ്, പ്രൊമോ സ്റ്റില്സ് അനീഷ് ഉപാസന, പബ്ലിസിറ്റി ഡിസൈന്സ് ആനന്ദ് രാജേന്ദ്രന് തുടങ്ങിയവരാണ് അണിയറ പ്രവര്ത്തകര്.