പവർകട്ട് മൂലം ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിൽ കഴിഞ്ഞ രോഗികൾ മരിച്ചു. കർണാടകയിലെ ബല്ലാരിയിലെ വിജയനഗർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലാണ് സംഭവം. ഐസിയുവിൽ പ്രവേശിപ്പിച്ച മൂന്ന് രോഗികൾ വൈദ്യുതി തടസ്സപ്പെട്ടതിനെ തുടർന്ന് മരിച്ചുവെന്നാണ് ആരോപണം. ആശുപത്രിയിൽ മണിക്കൂറോളം നേരം വൈദ്യുതി മുടങ്ങിയതായി മരിച്ചവരുടെ കുടുംബങ്ങൾ അവകാശപ്പെട്ടു.
ചൊവ്വാഴ്ച രാത്രിയും ബുധനാഴ്ച രാവിലെയുമാണ് മരണങ്ങൾ നടന്നത്. കുടുംബത്തിന്റെ ആരോപണം സർക്കാർ നിഷേധിച്ച് എത്തിയിട്ടുണ്ട്. സംഭവത്തെ കുറിച്ച് അന്വേഷിക്കാൻ ഒരു പാനലും രൂപീകരിച്ചു. ചേറ്റമ്മ, ഹുസൈൻ, മനോജ് എന്നിവരാണ് മരിച്ചത്. രാത്രിയും പുലർച്ചെയുമായി രണ്ട് മണിക്കൂറോളം ആശുപത്രിയിൽ വൈദ്യുതി ഉണ്ടായിരുന്നില്ലെന്നാണ് മനോജിന്റെ സഹോദരൻ പറയുന്നത്.
ഓക്‌സിജൻ പമ്പ് ചെയ്യാൻ ഡോക്ടർമാർക്ക് ബലൂൺ ഉപയോഗിക്കേണ്ടി വന്നുവെന്നും സഹോദരൻ പറഞ്ഞു. കർണാടക സർക്കാർ ആരോപണങ്ങൾ നിഷേധിച്ചെങ്കിലും ഐസിയു മരണത്തെക്കുറിച്ച് അന്വേഷിക്കാൻ ഒരു പാനൽ രൂപീകരിച്ചു. സെപ്തംബർ ആറിനാണ് മനോജിനെ ആശുപത്രിയിൽ പ്രവേശിപ്പിക്കുന്നത്. സെപ്തംബർ 13 വരെ ആരോഗ്യം തൃപ്തികരമായിരുന്നു. തുടർന്ന് ഐസിയുവിലേക്ക് മാറ്റി, പിന്നാലെ വൈദ്യുതി തടസ്സപ്പെട്ടിരുന്നു.
രാവിലെ 6.15 ഓടെ വീണ്ടും വൈദ്യുതി മുടങ്ങി, 11.30 വരെ വൈദ്യുതി ഉണ്ടായിരുന്നില്ല. ഡോക്ടർമാർ ഞങ്ങൾക്ക് ഒരു ബലൂൺ നൽകി, അത് അമർത്താൻ ആവശ്യപ്പെട്ടു. ഞങ്ങൾ രണ്ടുപേർ മാറിമാറി ബലൂൺ അമർത്തിക്കൊണ്ടിരുന്നു. അതിനുശേഷം, അദ്ദേഹത്തിന്റെ ആരോഗ്യനില തൃപ്തികരമാണെന്ന് അവർ ഞങ്ങളോട് പറഞ്ഞു, ഇരയുടെ സഹോദരൻ പറഞ്ഞു.
”ഇതിനിടയിൽ, ഞങ്ങളുടെ അടുത്തുള്ള കിടക്കയിൽ ഉണ്ടായിരുന്ന മറ്റ് രണ്ട് പേർ മരിച്ചു. എന്റെ സഹോദരൻ മരിച്ചെങ്കിലും, അവർ ഞങ്ങളോട് മറ്റൊരു ആശുപത്രിയിലേക്ക് മാറാൻ ആവശ്യപ്പെട്ടു. അതിനുശേഷം ഞങ്ങളെ അകത്തേക്ക് കയറ്റിയില്ല. ശക്തി ഇല്ലായിരുന്നു. അതാണ് അവൻ മരിക്കാൻ കാരണം. വൈദ്യുതിയും ഓക്‌സിജനും ഇല്ലാതിരുന്നതിനാലാണ് എന്റെ സഹോദരൻ മരിക്കുന്നത്’ യുവാവ് പറഞ്ഞു.