iQoo Z6 Lite അതിന്റെ ആദ്യ വിൽപ്പന ആരംഭിച്ചു. ഇ- കൊമേഴ്സ് ഭീമനായ ആമസോണിലും കമ്പനിയുടെ ഔദ്യോഗിക വെബ്സൈറ്റിലും ഉച്ചയ്ക്ക് 12:15 മുതൽ ഇന്ന് സ്മാർട്ട്ഫോൺ ലഭ്യമായിത്തുടങ്ങി. താൽപ്പര്യമുള്ളവർക്ക് ആമസോണിൽ നിന്നും കമ്പനിയുടെ ഔദ്യോഗിക വെബ്സൈറ്റിൽ നിന്നും ഫോൺ വാങ്ങാവുന്നതാണ്. iQoo Z6 Lite Qualcomm പ്രോസസർ നൽകുന്ന ഒരു ബജറ്റിൽ ഒതുങ്ങുന്ന വിധത്തിലുള്ള ഫോണാണ്. രണ്ട് വർഷത്തെ പ്രധാന ആൻഡ്രോയിഡ് അപ്ഡേറ്റും മൂന്ന് വർഷത്തെ സുരക്ഷാ പാച്ചുകളുമായാണ് ഹാൻഡ്സെറ്റ് വരുന്നത്.
iQoo Z6 Lite- ന് രണ്ട് വേരിയന്റുകളായാണ് ഇറങ്ങുന്നത്. അടിസ്ഥാന വേരിയന്റിന് 13,999 രൂപയാണ് വില. ഇതിന് 4 ജിബി റാമും 64 ജിബി സ്റ്റോറേജും ഉണ്ട്. മറ്റൊരു മോഡലിന് 6 ജിബി റാമും 128 ജിബി റോമും ഉണ്ട്. ഇതിന് ₹ 15,499 വിലയുണ്ട്. മിസ്റ്റിക് നൈറ്റ്, സ്റ്റെല്ലാർ ഗ്രീൻ എന്നീ രണ്ട് കളർ ഓപ്ഷനുകളിലാണ് ഫോൺ വിൽപ്പനയ്ക്കെത്തിയിരിക്കുന്നത്.
ഫോൺ വാങ്ങുന്നവർക്ക് എസ്ബിഐ ബാങ്ക് ക്രെഡിറ്റ് കാർഡുകൾ ഉപയോഗിച്ച് ₹2,500 ഇൻസ്റ്റന്റ് കിഴിവ് ലഭിക്കും. ഫോണിനൊപ്പം 18W ചാർജറും ₹399 രൂപയ്ക്ക് വാങ്ങാം.
iQoo Z6 Lite: സ്പെസിഫിക്കേഷനുകൾ
Qualcomm Snapdragon 4 Gen 1 SoC നൽകുന്ന ഈ സ്മാർട്ട്ഫോൺ Android 12-ലാണ് പ്രവർത്തിക്കുന്നത്. ഹാൻഡ്സെറ്റിനൊപ്പം രണ്ട് വർഷത്തെ പ്രധാന ആൻഡ്രോയിഡ് അപ്ഡേറ്റുകളും മൂന്ന് വർഷത്തെ സുരക്ഷാ പാച്ചുകളും കമ്പനി വാഗ്ദാനം ചെയ്യുന്നു. മുകളിൽ സൂചിപ്പിച്ചതുപോലെ, ഈ ഡിവൈസ് 6 ജിബി റാമും 128 ജിബി വരെ ഇന്റേണൽ സ്റ്റോറേജും പായ്ക്ക് ചെയ്തു വരുന്നു. ഉപകരണത്തിന്റെ ഇന്റേണൽ മെമ്മറി ഉപയോഗിച്ച് ഉപയോക്താക്കൾക്ക് 8 ജിബി വരെ റാം വർദ്ധിപ്പിക്കാനും കഴിയും.
സുഗമമായ പ്രവർത്തനത്തിനായി 120Hz റീഫ്രഷ് റേറ്റ് ഈ ഫോണിനുണ്ട്. FHD+ റെസല്യൂഷനിൽ പ്രവർത്തിക്കുന്ന 6.58 ഇഞ്ച് ഡിസ്പ്ലേയാണ് സ്മാർട്ട്ഫോണിൽ സജ്ജീകരിച്ചിരിക്കുന്നത്. ക്യാമറയുടെ കാര്യവും എടുത്തു പറയേണ്ട ഒന്നാണ്. iQoo Z6 Lite-ൽ 50MP പ്രൈമറി ക്യാമറയും 2MP മാക്രോ ലെൻസും ഉൾപ്പെടെ പിൻവശത്ത് ഒരു ഡ്യുവൽ ക്യാമറ സജ്ജീകരണമാണ് ഒരുക്കിയിട്ടുള്ളത്. സെൽഫികൾക്കായി മുൻവശത്ത് 8 എംപി ക്യാമറയാണ് വാഗ്ദാനം ചെയ്യുന്നു.
18W ഫാസ്റ്റ് ചാർജിംഗ് പിന്തുണയ്ക്കുന്ന 5,000 mAh ബാറ്ററിയാണ് iQoo Z6 Lite-ന്റെ മറ്റൊരു പ്രധാന ഫീച്ചറായി വരുന്നത്. ഈ iQoo ഹാൻഡ്സെറ്റിൽ ഗ്രാഫൈറ്റ് കൂളിംഗ് ഫിലിം, തെർമലി കണ്ടക്റ്റീവ് ജെൽ, കൂളിംഗ് കോപ്പർ ഫോയിൽ എന്നിവ നന്നായി പ്രവർത്തിക്കുന്നതിനാൽ ഹീറ്റിംഗ് പ്രശ്നങ്ങളെക്കുറിച്ച് ആകുലപ്പെടാതെ ഗെയിമിംഗ് അല്ലെങ്കിൽ മൂവി സെഷനുകൾ നീണ്ടുനിൽക്കുന്നതിനുള്ള താപനില സെൻസർ ഉണ്ടെന്ന് iQoo അവകാശപ്പെടുന്നു.