2002ലെ ഗുജറാത്ത് കലാപക്കേസുകളിലൊന്നിൽ കേന്ദ്ര ആഭ്യന്തരമന്ത്രി അമിത് ഷായ്ക്ക് ജാമ്യം ലഭിക്കാൻ എൻസിപി അധ്യക്ഷൻ ശരദ് പവാർ സഹായിച്ചതായി ശിവസേനയുടെ മുഖപത്രമായ സാമ്നയുടെ ആരോപണം . പത്രത്തിലെ പ്രതിവാര കോളത്തിലാണ് ഈ പരാമർശം.
പത്ര ചൗൾ കള്ളപ്പണം വെളുപ്പിക്കൽ കേസിൽ റൗത്തിന്റെ അറസ്റ്റിന് ശേഷം ശിവസേന നേതാവ് സഞ്ജയ് റാവത്ത് എഴുതിയിരുന്ന റോഖ്തോക്ക് കോളം ഇപ്പോൾ കടക്നാഥ് മുംബൈക്കർ എന്ന പേരിലാണ് എഴുതുന്നത് . ഈ കോളത്തിലാണ് ശിവസേനയ്ക്കെതിരേയുള്ള ഒളിയമ്പ്. ‘അമിത് ഷാ മഹാരാഷ്ട്രയെക്കുറിച്ച് ആവർത്തിച്ച് മോശമായ ഭാഷ ഉപയോഗിക്കുന്നു. ഇത് മഹാരാഷ്ട്രയോടുള്ള അദ്ദേഹത്തിന്റെ വെറുപ്പാണ്. യഥാർത്ഥത്തിൽ, മഹാരാഷ്ട്രയോടും മറാത്തികളോടും അദ്ദേഹം എപ്പോഴും കടപ്പെട്ടിരിക്കണം. മോദിക്കും ഷായ്ക്കുമെതിരെ യുപിഎ സർക്കാർ വാശിപിടിച്ചപ്പോൾ, അത് പവാറും മോദിയും തമ്മിലുള്ള മികച്ച ‘ആശയവിനിമയമാണ് ‘ ഗോധ്ര കേസുകളിലൊന്നിൽ ഷായെ ജാമ്യത്തിൽ വിടാൻ കാരണമായത്. കോളത്തിലെ പരാമർശം ഇങ്ങനെ.
”ഇത് ഒരു വെളിപാടല്ല, സത്യമാണ്. അമിത് ഷായെ സഹായിക്കാൻ ബാലാസാഹേബ് ‘സർക്കാർ’ പോലെ പ്രവർത്തിച്ചു. സഞ്ജയ് റാവുത്തിന് മാത്രമേ ഇതിനെക്കുറിച്ച് കൂടുതൽ എഴുതാൻ കഴിയൂ. ശരദ് പവാറിനും ഉദ്ധവ് താക്കറെയ്ക്കും ഇതിനെക്കുറിച്ച് കൂടുതൽ വെളിപ്പെടുത്താം. എന്നാൽ അതേ അമിത് ഷാ ഇന്ന് പവാറിനും താക്കറെക്കുമെതിരെ തീവ്രമായ ദൗത്യമാണ് നടത്തുന്നത്, ”അദ്ദേഹം കൂട്ടിച്ചേർത്തു.