നാളെ തിരുവോണം എത്തവേ, എല്ലാ മലയാളികൾക്കും ഓണാശംസകളറിയിച്ച് മുഖ്യമന്ത്രി പിണറായി വിജയൻ. നിറ സമൃദ്ധിയുടെയും ഐശ്യത്തിന്റെയും സമാധാനത്തിന്റെയും സ്വപ്നങ്ങളുടെ സാക്ഷാത്കാരമായാണ് മലയാളി ഓണത്തെ കാണുന്നതെന്ന് മുഖ്യമന്ത്രി പറഞ്ഞു.
യാതൊരുവിധത്തിലുള്ള അസമത്വവും ഇല്ലാത്തതും മനുഷ്യരെല്ലാം തുല്യരായി പുലരേണ്ടതുമായ ഒരു കാലം ഉണ്ടായിരുന്നുവെന്ന് ഓണ സങ്കല്പ്പം നമ്മോടു പറയുന്നു. വരും കാലത്തും സമാനമായ ഒരു സാമൂഹ്യക്രമം സാധിച്ചെടുക്കുന്നതിനുള്ള ശ്രമങ്ങള്ക്ക് ഊര്ജം പകരുന്ന ചിന്തയാണിത്.
ആ നിലക്ക് ഓണത്തെ ഉള്ക്കൊള്ളാനും എല്ലാ വേര്തിരിവുകള്ക്കുമതീതമായി ഒരുമിക്കാനും നമുക്ക് കഴിയണം. ഐശ്വര്യപൂര്ണമായ ഓണം ലോകത്തെവിടെയുമുള്ള മലയാളിക്ക് ഉണ്ടാവട്ടെ എന്നും മുഖ്യമന്ത്രി ആശംസിച്ചു.