എറണാകുളത്തുനിന്ന് ആരംഭിച്ച്‌ കോട്ടയം, കൊല്ലം, കൊട്ടാരക്കര, ചെങ്കോട്ടവഴി വേളാങ്കണ്ണിക്കുള്ള പ്രതിവാര സ്പെഷൽ ട്രെയിൻ ആഴ്ചയിൽ രണ്ട് ദിവസം സർവീസ് ആരംഭിച്ചു. ശനി, തിങ്കൾ ദിവസങ്ങളിൽ വേളാങ്കണ്ണിക്കും ഞായർ, ചൊവ്വാ ദിവസങ്ങളിൽ തിരിച്ചുമാണ് ട്രെയിൻ സർവീസ് നടത്തുന്നത്.
തിങ്കൾദിനത്തിലെ ആദ്യസർവീസ ഇന്നലെയാണ് തുടക്കംകുറിച്ചത്. കോട്ടയം, ചങ്ങനാശേരി സ്റ്റേഷനുകളിൽനിന്ന് ഈ ട്രെയിനിലെ കന്നിയാത്രയ്ക്ക് യാത്രക്കാരുടെ നല്ല തിരക്കുണ്ടായിരുന്നതായി റെയിൽവേ അധികൃതർ പറഞ്ഞു.
തിങ്കളാഴ്ച വൈകുന്നേരം 3.38ന് കോട്ടയത്തും 4.00ന് ചങ്ങനാശേരിയിലും 4.10ന് തിരുവല്ലയിലും 5.50കൊല്ലത്തും എത്തുന്ന ട്രെയിൻ ചെവ്വാഴ്ച രാവിലെ 8.15ന് വേളാങ്കണ്ണിയിലെത്തും.
തിരികെ വേളാങ്കണ്ണിയിൽ നിന്നും ചൊവ്വാ വൈകുന്നേരം 5.30ന് പുറപ്പെടുന്ന ട്രെയിൻ ബുധൻ രാവിലെ 10ന് തിരുവല്ല, 10.10ന് ചങ്ങനാശേരി, കോട്ടയത്ത് 10.33നും എത്തിച്ചേരും.