രക്ത ഗ്രൂപ്പുകളുടെ സ്റ്റോക്ക് കുറയുന്ന സാഹചര്യത്തില്‍, രക്തദാനത്തിന് സന്നദ്ധരാവണമെന്ന് പൊതുജനങ്ങളോട് അഭ്യര്‍ത്ഥിച്ച്‌ ഒമാന്‍ ബ്ലഡ് ബാങ്ക് സര്‍വീസസ് വകുപ്പ് .ബൗഷറിലെ സെന്‍ട്രല്‍ ബ്ലഡ് ബാങ്കിലെത്തി രക്തം ദാനം ചെയ്യാനാണ് ഔദ്യഗികമായി പുറത്തിറക്കിയ പ്രസ്താവനയില്‍ അധികൃതര്‍ അഭ്യര്‍ത്ഥിക്കുന്നത്.
വിവിധ ആരോഗ്യ സ്ഥാപനങ്ങളിലേക്ക് ആവശ്യമായ രക്തം ലഭ്യമാക്കാന്‍ ഈയാഴ്ച ബൗഷറിലെ സെന്‍ട്രല്‍ ബ്ലഡ് ബാങ്കിന് അഞ്ഞൂറിലധികം രക്ത ദാതാക്കളെ ലഭിക്കേണ്ട സാഹചര്യമുണ്ട്. മിക്കവാറും എല്ലാ രക്ത ഗ്രൂപ്പുകളുടെയും സ്റ്റോക്ക് കുറവാണ്.
അതുകൊണ്ടുതന്നെ സ്വയം തയ്യാറായി രക്തം ദാനം ചെയ്യാനായി എല്ലാവരും മുന്നോട്ടുനവരണമെന്നാണ് ഡിപ്പാര്‍ട്ട്‌മെന്റ് ഓഫ് ബ്ലഡ് ബാങ്ക് സര്‍വീസസ് പുറത്തിറക്കിയ പ്രസ്താവനയില്‍ ആവശ്യപ്പെട്ടിരിക്കുന്നത്.