ബഹുജന പ്രതിഷേധങ്ങൾക്കിടയിൽ ജൂലൈയിൽ പലായനം ചെയ്ത ശ്രീലങ്കയുടെ മുൻ പ്രസിഡന്റ് ഗോതബായ രാജപക്സെ അടുത്ത ആഴ്ച ദ്വീപ് രാഷ്ട്രത്തിലേക്ക് മടങ്ങും.
ഓഗസ്റ്റ് 24ന് അദ്ദേഹം ശ്രീലങ്കയിലെത്തുമെന്ന് രജപക്സെയുമായി ബന്ധമുള്ള റഷ്യയിലെ മുൻ ശ്രീലങ്കൻ പ്രതിനിധി ഉദയംഗ വീരതുംഗ പറഞ്ഞു.
പുറത്താക്കപ്പെട്ട പ്രസിഡന്റിനെ രാഷ്ട്രീയ സ്ഥാനങ്ങൾക്കായി വീണ്ടും തിരഞ്ഞെടുക്കേണ്ട ആവശ്യമില്ലയെന്നും, എന്നാൽ അദ്ദേഹത്തിന് മുമ്പ് ചെയ്തതുപോലെ രാജ്യത്തിന് എന്തെങ്കിലും സേവനം ചെയ്യാൻ കഴിയുമെന്നും വീരതുംഗ പറഞ്ഞു.
ശ്രീലങ്കയിൽ നിന്ന് സൈനിക വിമാനത്തിൽ മാലിദ്വീപിലേക്ക് പലായനം ചെയ്യുകയും തുടർന്ന് സിംഗപ്പൂരിൽ ആഴ്ചകൾ ചിലവഴിക്കുകയും ചെയ്ത രാജപക്ഷ തായ്ലൻഡിൽ താത്കാലികമായി അഭയം പ്രാപിച്ചിരുന്നു .
1948-ൽ ബ്രിട്ടനിൽ നിന്ന് സ്വാതന്ത്ര്യം നേടിയതിന് ശേഷമുള്ള ശ്രീലങ്കയിലെ ഏറ്റവും മോശമായ സാമ്പത്തിക പ്രതിസന്ധിയെ തന്റെ സർക്കാർ കൈകാര്യം ചെയ്തതിൽ പൊതുജന രോഷം നേരിട്ട അദ്ദേഹം സിംഗപ്പൂരിൽ എത്തിയ ഉടൻ തന്നെ ഓഫീസിൽ നിന്ന് രാജിവച്ചു.