റഷ്യയിൽ നിന്നും എണ്ണ വാങ്ങിയതിന് ഇന്ത്യയെ വിമർശിക്കുന്ന പാശ്ചാത്യ രാജ്യങ്ങളെ രൂക്ഷമായി വിമർശിച്ച പാകിസ്ഥാൻ മുൻ പ്രധാനമന്ത്രി ഇമ്രാൻ ഖാൻ ഇന്ത്യയുടെ സ്വതന്ത്ര വിദേശ നയത്തെ ഒരിക്കൽ കൂടി അഭിനന്ദിച്ചു. ലാഹോറിൽ ഒരു വലിയ സമ്മേളനത്തെ അഭിസംബോധന ചെയ്തുകൊണ്ട്, സ്ലൊവാക്യയിൽ നടന്ന ബ്രാറ്റിസ്ലാവ ഫോറത്തിൽ നിന്ന് വിദേശകാര്യ മന്ത്രി എസ് ജയശങ്കറിന്റെ വീഡിയോ ക്ലിപ്പ് പ്ലേ ചെയ്‌ത ഇമ്രാൻ ഖാൻ, റഷ്യയിൽ നിന്ന് വിലകുറഞ്ഞ എണ്ണ വാങ്ങുന്നതിനുള്ള യുഎസ് സമ്മർദ്ദത്തിൽ ഉറച്ചുനിന്നതിന് അദ്ദേഹത്തെ പ്രശംസിക്കുകയും ചെയ്തു.
“പാകിസ്ഥാന്റെ അതേ സമയം സ്വാതന്ത്ര്യം നേടിയ ഇന്ത്യയ്ക്കും ന്യൂഡൽഹിക്കും ഉറച്ച നിലപാട് സ്വീകരിക്കാനും അവരുടെ ജനങ്ങളുടെ ആവശ്യാനുസരണം വിദേശനയം രൂപപ്പെടുത്താനും കഴിയുമെങ്കിൽ, ആരാണ് ഇവിടെ (പ്രധാനമന്ത്രി ഷെഹ്ബാസ് ഷെരീഫ് സർക്കാർ) ഇത്തരമൊരു തീരുമാനത്തിൽ നിന്നും വലിക്കുന്നത്. സമ്മേളനത്തിൽ ഇമ്രാൻ ഖാൻ പറഞ്ഞു.
“റഷ്യയിൽ നിന്ന് എണ്ണ വാങ്ങരുതെന്ന് അമേരിക്ക ഇന്ത്യയോട് ഉത്തരവിട്ടു. ഇന്ത്യ യുഎസിന്റെ തന്ത്രപ്രധാന സഖ്യകക്ഷിയാണ്. പാകിസ്ഥാൻ അല്ല. റഷ്യയുടെ എണ്ണ വാങ്ങരുതെന്ന് യുഎസ് ആവശ്യപ്പെട്ടപ്പോൾ ഇന്ത്യയുടെ വിദേശകാര്യ മന്ത്രി എന്താണ് പറഞ്ഞതെന്ന് നമുക്ക് നോക്കാം.”
തുടർന്ന് ഇമ്രാൻ ഖാൻ വിദേശകാര്യ മന്ത്രി എസ് ജയശങ്കറിന്റെ വീഡിയോ ക്ലിപ്പ് പ്ലേ ചെയ്തു. “ജയ്‌ശങ്കർ അവരോട് പറയുന്നത് നിങ്ങൾ ആരാണെന്ന്? യൂറോപ്പ് റഷ്യയിൽ നിന്ന് ഗ്യാസ് വാങ്ങുകയാണെന്നും ജനങ്ങൾക്ക് ആവശ്യമുള്ളത് ഞങ്ങൾ വാങ്ങുമെന്നും ജയശങ്കർ പറഞ്ഞു. ഇതാണ് സ്വതന്ത്ര രാജ്യമെന്ന് ഇമ്രാൻ പറയുന്നു.
റഷ്യയുടെ എണ്ണ വാങ്ങുന്നതിനുള്ള യുഎസ് സമ്മർദത്തിന് വഴങ്ങി ഷെഹ്ബാസ് ഷെരീഫ് സർക്കാരിനെയും അദ്ദേഹം വിമർശിച്ചു. “ഞങ്ങൾ വിലകുറഞ്ഞ എണ്ണ വാങ്ങുന്നതിനെക്കുറിച്ച് റഷ്യയുമായി സംസാരിച്ചിരുന്നു, എന്നാൽ അമേരിക്കയുടെ സമ്മർദ്ദം വേണ്ടെന്ന് പറയാൻ ഈ സർക്കാരിന് ധൈര്യമില്ല. ഇന്ധന വില കുതിച്ചുയരുന്നു, ആളുകൾ ദാരിദ്ര്യരേഖയ്ക്ക് താഴെയാണ്. ഞാൻ ഈ അടിമത്തത്തിന് എതിരാണ്.”- അദ്ദേഹം പറഞ്ഞു.