കേരളത്തില് അടുത്ത അഞ്ച് ദിവസം വ്യാപകമായ മഴക്കും ഒറ്റപ്പെട്ട സ്ഥലങ്ങളില് ഇടിമിന്നലോടു കൂടിയ ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. വടക്ക് കിഴക്കന് അറബിക്കടലില് ഗുജറാത്ത് തീരത്തിനു സമീപം രൂപപ്പെട്ട ന്യൂനമര്ദ്ദം വടക്ക് കിഴക്കന് അറബികടലില് സൗരാഷ്ട്ര – കച്ച് തീരത്തിന് സമീപം ശക്തികൂടിയ ന്യൂനമര്ദ്ദമായി നിലനില്ക്കുന്നുണ്ട്.
അടുത്ത 24 മണിക്കൂറിനുള്ളില് പടിഞ്ഞാറു ദിശയില് സഞ്ചരിക്കുന്ന ശക്തികൂടിയ ന്യുനമര്ദ്ദം ശക്തി പ്രാപിച്ചു തീവ്ര ന്യൂനമര്ദ്ദമാകാനാണ് സാധ്യത.
ഒഡിഷ തീരത്തിനും സമീപപ്രദേശത്തിനും മുകളിലായി ന്യൂനമര്ദ്ദവും നിലനില്ക്കുന്നു. സാധാരണ സ്ഥാനത്തു നിന്ന് തെക്കോട്ടു മാറി സജീവമായിരിക്കുന്ന മണ്സൂണ് പാത്തി ജൂലൈ 17 മുതല് വടക്കോട്ടു സഞ്ചരിക്കാന് സാധ്യതയെന്നും കാലാവസ്ഥാ വകുപ്പ് അറിയിച്ചു. കൂടാതെ ഗുജറാത്ത് തീരം മുതല് മഹാരാഷ്ട്ര വരെ ന്യുനമര്ദ്ദ പാത്തിയും നിലനില്ക്കുന്നുണ്ട്.