സ്വർണക്കട്ടി എന്ന വ്യാജേന ഗോളകം നൽകി തട്ടിപ്പ്; മലപ്പുറത്ത് മൂന്നുപേർ അറസ്റ്റിൽ

മലപ്പുറം: കോ​ടി​ക​ൾ വി​ല​വ​രു​ന്ന സ്വ​ർ​ണ​ക്ക​ട്ടി​യെ​ന്ന വ്യാ​ജേ​ന സ്വ​ർ​ണ​നി​റ​മു​ള്ള ഗോ​ള​കം ന​ൽ​കി ത​ട്ടി​പ്പ് ന​ട​ത്തി​യ കേ​സി​ൽ മൂ​ന്നു​പേർ അറസ്റ്റിൽ. കൊ​ണ്ടോ​ട്ടി നെ​ടി​യി​രി​പ്പ് സ്വ​ദേ​ശി കൂ​നം​വീ​ട്ടി​ൽ ഹ​മീ​ദ് എ​ന്ന ജിം ​ഹ​മീ​ദ് (51), ഗൂ​ഡ​ല്ലൂ​ർ സ്വ​ദേ​ശി​ക​ളാ​യ കൈ​പ്പ​ഞ്ചേ​രി സൈ​ത​ല​വി (40), കു​ഴി​ക്ക​ല​പ​റ​മ്പ് അ​പ്പു എ​ന്ന അ​ഷ്റ​ഫ് (55) എ​ന്നി​വ​രാരെയാണ് പൊന്നാനി പൊലീസ് അറസ്റ്റ് ചെയ്തത്. കാ​യം​കു​ളം പ​ള്ളി​യി​ലെ ഇ​മാ​മാ​യ ചാ​ലി​ശ്ശേ​രി സ്വ​ദേ​ശി ന​ൽ​കി​യ പ​രാ​തി​യി​ലാ​ണ് മൂ​വ​രെ​യും അ​റ​സ്റ്റ് ചെ​യ്ത​ത്. മു​സ്​​ലി​യാ​ർ​മാ​രു​ടെ​യും പ​ണി​ക്ക​ന്മാ​രു​ടെ​യും ഫോ​ൺ ന​മ്പ​റു​ക​ൾ ശേ​ഖ​രി​ച്ച്​ അ​വ​രെ വി​ളി​ച്ച് വി​ശ്വാ​സ്യ​ത നേ​ടി​യാ​ണ്​ സം​ഘം ത​ട്ടി​പ്പി​ന്​ ക​ള​മൊ​രു​ക്കു​ന്ന​ത്. ത​ങ്ങ​ളു​ടെ വീ​ട്ടു​പ​റ​മ്പി​ൽ​നി​ന്ന്​ സ്വ​ർ​ണ​ക്ക​ട്ടി ല​ഭി​ച്ചി​ട്ടു​ണ്ടെ​ന്നും ര​ണ്ടു​കോ​ടി​യോ​ളം രൂ​പ വി​ല​വ​രു​ന്ന സാ​ധ​നം നി​ങ്ങ​ൾ മു​ഖേ​ന വി​ൽ​ക്കാ​ൻ താ​ൽ​പ​ര്യ​മു​ണ്ടെ​ന്നും മു​സ്​​ലി​യാ​ർ​മാ​രെ​യും പ​ണി​ക്ക​ന്മാ​രെ​യും അ​റി​യി​ക്കും.

തു​ട​ർ​ന്ന് അ​ഡ്വാ​ൻ​സ് തു​ക​യു​മാ​യി എ​ത്ത​ണ​മെ​ന്നും സ്വ​ർ​ണം കൈ​മാ​റാ​മെ​ന്നും പ​റ​ഞ്ഞ്​ ഇ​ട​പാ​ട്​ ഉ​റ​പ്പി​ക്കും. സം​ഘം പ​റ​ഞ്ഞ സ്ഥ​ല​ത്ത് എ​ത്തി​യാ​ൽ പൊ​തി​ഞ്ഞ നി​ല​യി​ലു​ള്ള ഗോ​ള​ക​ത്തി​ന്‍റെ ഒ​രു​ഭാ​ഗ​ത്ത് ദ്വാ​ര​മു​ണ്ടാ​ക്കി അ​തി​ൽ​നി​ന്ന്​ സ്വ​ർ​ണം അ​ട​ർ​ന്നു​വീ​ഴു​ന്ന​താ​യി കാ​ണി​ക്കും. കൈ​യി​ൽ ക​രു​തി​യ ഒ​റി​ജി​ന​ൽ സ്വ​ർ​ണ ത​രി​യാ​ണ് ഈ ​സ​മ​യം സം​ഘം താ​ഴേ​ക്ക് ഇ​ടു​ക. ത​രി പ​രി​ശോ​ധി​ച്ച് സ്വ​ർ​ണ​മെ​ന്ന് ബോ​ധ്യ​പ്പെ​ടു​ന്ന പാ​ർ​ട്ടി​ക്ക്​ വ്യാ​ജ സ്വ​ർ​ണ ഗോ​ള​കം കൈ​മാ​റും. പി​ന്നീ​ട് തു​റ​ന്നു​നോ​ക്കു​മ്പോ​ഴാ​ണ് ത​ട്ടി​പ്പ് ബോ​ധ്യ​പ്പെ​ടു​ക. ഇ​ത്ത​ര​ത്തി​ൽ സം​സ്ഥാ​ന​ത്തി​ന്‍റെ വി​വി​ധ​യി​ട​ങ്ങ​ളി​ൽ നി​ര​വ​ധി പേ​രി​ൽ​നി​ന്ന് പ​ണം ത​ട്ടി​യ​താ​യി പൊ​ന്നാ​നി സി.​ഐ വി​നോ​ദ് വ​ലി​യാ​റ്റൂ​ർ പ​റ​ഞ്ഞു.

കാ​യം​കു​ളം പ​ള്ളി​യി​ലെ ഇ​മാ​മി​നെ പൊ​ന്നാ​നി​യി​ലേ​ക്ക് വി​ളി​ച്ചു​വ​രു​ത്തി ഏ​ഴു​ല​ക്ഷം രൂ​പ സ​മാ​ന​മാ​യ രീ​തി​യി​ൽ ത​ട്ടി​യെ​ടു​ത്തി​രു​ന്നു. ഇ​തേ തു​ട​ർ​ന്ന് ഇ​യാ​ൾ പൊ​ന്നാ​നി പൊ​ലീ​സി​ൽ പ​രാ​തി ന​ൽ​കി. പൊ​ലീ​സ്​ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്​​ക​രി​ച്ച് അ​ന്വേ​ഷ​ണം ആ​രം​ഭി​ച്ചു. ഇ​തേ​സ​മ​യം, കൊ​ടു​ങ്ങ​ല്ലൂ​രി​ലു​ള്ള മു​സ്​​ലി​യാ​രെ ത​ട്ടി​പ്പി​ന് വി​ധേ​യ​നാ​ക്കാ​ൻ ശ്ര​മി​ക്കു​ന്ന​താ​യി വി​വ​രം ല​ഭി​ച്ചു. കൊ​ടു​ങ്ങ​ല്ലൂ​രി​ലെ മു​സ്​​ലി​യാ​ർ​ക്ക്​ നി​ല​മ്പൂ​രി​ൽ​വെ​ച്ച് സ്വ​ർ​ണ​ക്ക​ട്ടി കൈ​മാ​റാ​മെ​ന്ന്​ ത​ട്ടി​പ്പ് സം​ഘം അ​റി​യി​ച്ച​തി​നെ തു​ട​ർ​ന്ന് നി​ല​മ്പൂ​രി​ൽ മ​ഫ്ടി​യി​ലെ​ത്തി​യ അ​ന്വേ​ഷ​ണ സം​ഘം പ്ര​തി​ക​ളെ പി​ടി​കൂ​ടു​ക​യാ​യി​രു​ന്നു. പ്ര​തി​ക​ളെ പൊ​ന്നാ​നി കോ​ട​തി റി​മാ​ൻ​ഡ്​ ചെ​യ്തു.