കിരീട ധാരണത്തിന്റെ 70-ാം വാർഷികം ആഘോഷിക്കുന്ന ബ്രിട്ടീഷ് രാജ്ഞിയ്ക്ക് ആശംസകള് അറിയിച്ച് ഉത്തരകൊറിയന് ഭരണാധികാരി കിം ജോങ് ഉന്. ആശംസകള് അറിയിച്ച് എലിസബത്ത് രാജ്ഞിക്ക് കത്തയച്ചതായി പ്യോങ്യാങ് അറിയിക്കുകയായിരുന്നു.
‘നിങ്ങളുടെ മഹത്തായ രാജ്യത്തിന്റെ ദേശീയ ദിനത്തില്, നിങ്ങളുടെ മഹത്വത്തിന്റെ ഔദ്യോഗിക ജന്മദിനത്തില് ഞാന് നിങ്ങള്ക്കും നിങ്ങളുടെ ജനങ്ങള്ക്കും എന്റെ അഭിനന്ദനങ്ങള് അറിയിക്കുന്നു.’ ഇന്നലെ ഉത്തര കൊറിയയുടെ വിദേശകാര്യ മന്ത്രാലയം പ്രസ്താവനയില് പറഞ്ഞു.
അതേസമയം, കത്ത് ലഭിച്ചതായി ബക്കിംഗ്ഹാം കൊട്ടാരം സമ്മതിച്ചു. സ്വകാര്യ സന്ദേശം ‘നമുക്ക് നയതന്ത്ര ബന്ധമുള്ള രാജ്യങ്ങളില് നിന്നുള്ള സന്ദേശങ്ങള് സ്വീകരിക്കുന്നതിനുള്ള സ്റ്റാന്ഡേര്ഡ് സമ്പ്രദായത്തിന് അനുസൃതമാണെന്ന്’ ഒരു പ്രസ്താവനയില് പറഞ്ഞതായി ദി മിറര് റിപ്പോര്ട്ട് ചെയ്തു.
നേരത്തെ ഉത്തരകൊറിയയും ബ്രിട്ടനും 2000ല് തന്നെ നയതന്ത്ര ബന്ധം സ്ഥാപിക്കുകയും പ്യോങ്യാങ്ങിലും ലണ്ടനിലും എംബസികള് നിലനിര്ത്തുകയും ചെയ്തിരുന്നു. സെപ്റ്റംബറില് രാജ്യം സ്ഥാപിച്ചതിന്റെ 73-ാം വാര്ഷികത്തില് ഉത്തരകൊറിയയിലെ ജനങ്ങളെ അഭിനന്ദിച്ചുകൊണ്ട് രാജ്ഞി കിമ്മിന് ഒരു സന്ദേശം അയച്ചിരുന്നു. ഇപ്പോഴത്തെ സാഹചര്യത്തിൽ കിമ്മിന്റെ കത്ത് സമീപ വര്ഷങ്ങളില് പാശ്ചാത്യരുമായുള്ള സൗഹാര്ദ്ദത്തിന്റെ ഒരു അപൂര്വതയാണ് എന്നു പറയാം.
കിരീട ധാരണത്തിന്റെ 70-ാം വാർഷികം; എലിസബത്ത് രാജ്ഞിയ്ക്ക് ആശംസകള് അറിയിച്ച് കിം ജോങ് ഉന്
