ദുബായ്: ഗർഭിണികളായ യാത്രികരുടെ യാത്രാ വ്യവസ്ഥകളിൽ മാറ്റം വരുത്തിയെന്ന അറിയിപ്പുമായി എയർ ഇന്ത്യ എക്‌സ്പ്രസ്. 2022 മെയ് 15-നാണ് എയർ ഇന്ത്യ എക്‌സ്പ്രസ് ഇക്കാര്യം അറിയിച്ചത്.
ഗർഭിണികൾക്ക് 27 ആഴ്ചകൾ വരെ വിമാനയാത്രയ്ക്ക് തടസ്സങ്ങളൊന്നുമില്ല. 28 മുതൽ 35 ആഴ്ച വരെ ആയവർ യാത്ര ചെയ്യാവുന്ന ആരോഗ്യമുണ്ടെന്നു സാക്ഷ്യപ്പെടുത്തുന്ന, 3 ദിവസത്തിനകം നേടിയ സർട്ടിഫിക്കറ്റ് ഹാജരാക്കണമെന്നാണ് നിർദ്ദേശം.
യാത്ര ചെയ്യാൻ തക്ക ആരോഗ്യമുണ്ടെന്നും ഗർഭം ഏത് സ്റ്റേജിലാണെന്നതും ഈ സർട്ടിഫിക്കറ്റിൽ രേഖപ്പെടുത്തിയിരിക്കണം. അതേസമയം, ഗർഭിണികളായി 36 ആഴ്ച്ചയ്ക്ക് മുകളിലുള്ളവർക്ക് വിമാനയാത്ര അനുവദനീയമല്ല.