എജ്യൂക്കേഷണല് ടെക്നോളജി രംഗത്തെ യുണീകോണ് കമ്പനിയായ അണ്അക്കാദമി പത്ത് ശതമാനം ജീവനക്കാരെ പിരിച്ചുവിട്ടു. കോണ്ട്രാക്ടില് ജോലി ചെയ്തിരുന്നവരും കമ്പനി സ്ഥിരം ജീവനക്കാരും അധ്യാപകരും ഉള്പ്പടെ 600 പേര്ക്കാണ് ജോലി നഷ്ടപ്പെട്ടത്.
6,000 ജീവനക്കാരാണ് അണ്അക്കാദമിക്ക് ഉണ്ടായിരുന്നത്. ചെലവുചുരുക്കലിന്റെ ഭാഗമായാണ് കമ്പനി ജീവനക്കാരുടെ എണ്ണം കുറച്ചത്. അതേ സമയം ആയിരത്തോളം ജീവനക്കാരെയാണ് അണ്അക്കാദമി പിരിച്ചുവിട്ടത്.
രാജ്യത്തെ ഏറ്റവും വലിയ എഡ്യുടെക്ക് കമ്പനികളില് ഒന്നായ അണ്അക്കാദമിയുടെ മൂല്യം 3.4 ബില്യണ് ഡോളറാണ്. അടുത്തിടെ അണ്അക്കാദമി ഏറ്റെടുത്ത പ്രിപ്ലാഡറിലെ 100 ജീവനക്കാരെ മാര്ച്ചില് കമ്പനി പിരിച്ചുവിട്ടിരുന്നു.