200 കോടിയുടെ തട്ടിപ്പുകേസില്‍ ബോളിവുഡ് നടി നോറ ഫതേഹിയെ എന്‍ഫോഴ്‌സ്‌മെന്‍റ് ഡയറക്ടറേറ്റ് ചോദ്യം ചെയ്തു. ഡല്‍ഹി ഓഫീസില്‍ ഇന്ന് രാവിലെയാണ് നടി ചോദ്യം ചെയ്യലിന് ഹാജരായത്. നടി ലീന മരിയപോളും ഭര്‍ത്താവ് സുകേഷ് ചന്ദ്രശേഖറും ഉള്‍പ്പെട്ടതാണ് കേസ്.
ഫോര്‍ട്ടിസ് ഹെല്‍ത്ത് കെയര്‍ പ്രൊമോട്ടര്‍ ശിവീന്ദര്‍ സിംഗിന്‍റെ കുടുംബത്തെ കബളിപ്പിച്ച്‌ 200 കോടി സ്വന്തമാക്കിയതിന് ചന്ദ്രശേഖരനെയും ലീന മരിയയെയും ഡല്‍ഹി പോലീസ് അറസ്റ്റ് ചെയ്തിട്ടുണ്ട്. ക്രിമിനല്‍ ഗൂഡാലോചന, വഞ്ചന, കൊള്ളയടിക്കല്‍ തുടങ്ങിയ കുറ്റങ്ങളാണ് പോലീസ് ഇവര്‍ക്കെതിരെ ചുമത്തിയിരിക്കുന്നത്.
ഇവരുമായുള്ള ബന്ധത്തെ കുറിച്ചാണ് ഇഡി പ്രധാനമായും നോറയോട് ചോദിച്ചത്. കേസുമായി ബന്ധപ്പെട്ട് ബോളിവുഡ് താരം ജാക്വിലിന്‍ ഫെര്‍ണാഡസിനെയും ഇഡി ചോദ്യം ചെയ്തിരുന്നു.