ജമ്മു: ജമ്മു കാഷ്മീരിലെ ഉറി സെക്ടറില്‍ വീണ്ടും തീവ്രവാദികളുടെ നുഴഞ്ഞുകയറ്റ ശ്രമം. ഇതേതുടര്‍ന്നുള്ള ഏറ്റുമുട്ടലില്‍ പാക് ഭീകരനെ സുരക്ഷാസേന വധിച്ചു. ഒരു ലഷ്കര്‍ ഭീകരനെ പിടികൂടിയതായും സൈന്യം അറിയിച്ചു.
പാക്കിസ്ഥാനിലെ പഞ്ചാബ് സ്വദേശിയായ അലി ബാബര്‍ പത്ര (19) യെയാണ് സുരക്ഷാസേന പിടികൂടിയത്. അതേസമയം, കഴിഞ്ഞ ഒരാഴ്ചയ്ക്കിടെ അതിര്‍ത്തിയില്‍ നുഴഞ്ഞുകയറാന്‍ ശ്രമിച്ച ഏഴു ഭീകരരെയാണ് സുരക്ഷാസേന വധിച്ചത്.
അതെ സമയം നിരവധി ഭീകരര്‍ പരിക്കുകളോടെ രക്ഷപ്പെടുകയും ചെയ്തിരുന്നു. പാക് സൈന്യത്തിന്‍റെ പിന്തുണയോടെയാണ്ഭീകരര്‍ നുഴഞ്ഞു കയറാന്‍ ശ്രമിക്കുന്നതെന്നാണ് മേജര്‍ ജനറല്‍ വീരേന്ദ്ര വട്‌സ് ആരോപിക്കുന്നത് .