രാജ്യത്ത് ഡീസൽ വില വർദ്ധിച്ചു.

തിരുവനന്തപുരം: രാജ്യത്ത് ഡീസൽ വില ഇന്നും കൂട്ടി. ലിറ്ററിന് 27 പൈസയാണ് ഇന്ന് കൂട്ടിയത്. ഇതോടെ കൊച്ചിയിൽ ഡീസൽ വില 94 രൂപ 32 പൈസയായി. 4 ദിവസത്തിനിടെ മൂന്നാം തവണയാണ് ഡീസലിന് വില കൂട്ടുന്നത്. വെള്ളിയാഴ്ച 23പൈസയും ഇന്നലെ 26 പൈസയും വർധിപ്പിച്ചിരുന്നു.പത്തൊമ്പത് ദിവസം മാറ്റമില്ലാതെ തുടർന്നതിന് ശേഷമായിരുന്നു വെള്ളിയാഴ്ച്ച ഡീസൽ വില വർധിപ്പിച്ചത്. അതേസമയം, പെട്രോൾ വില മാറ്റമില്ലാതെ തുടരുകയാണ്.