പ്രൈവറ്റ് ബസ് സ്റ്റാന്‍ഡിനുസമീപം പൂട്ടിക്കിടന്ന ഗോഡൗണില്‍നിന്ന് ലക്ഷങ്ങള്‍ വിലവരുന്ന നിരോധിത പുകയില ഉല്‍പന്നങ്ങള്‍ പിടികൂടി. സംഭവവുമായി ബന്ധപ്പെട്ട് രണ്ട് അന്തര്‍ സംസ്ഥാന തൊഴിലാളികളെ അറസ്റ്റ് ചെയ്തു. അസം സ്വദേശികളായ ആഷിഖുല്‍ ഇസ്ലാം (23), ഇമ്രാതുല്‍ (20) എന്നിവരെയാണ് പ്രത്യേക അന്വേഷണസംഘം പിടികൂടിയത്.
അന്തര്‍ സംസ്ഥാനങ്ങളില്‍നിന്ന് വില്‍പനക്ക് കൊണ്ടുവന്നതാണിത്. 20 കിലോ വീതം 30 ചാക്കിലായാണ് സൂക്ഷിച്ചിരുന്നത്. പെരുമ്ബാവൂര്‍ പാറപ്പുറം സ്വദേശിയുടേതാണ് ഗോഡൗണ്‍.
ജില്ല പൊലീസ് മേധാവി കെ. കാര്‍ത്തിക്കി‍െന്‍റ നേതൃത്വത്തില്‍ എ.എസ്.പി അനൂജ്, എസ്.എച്ച്‌.ഒ സി. ജയകുമാര്‍, എസ്.ഐമാരായ റിന്‍സ് എം. തോമസ്, ജോസി ജോണ്‍സന്‍, എസ്.സി.പി.ഒമാരായ എ.പി. ഷിനോജ്, വി.എന്‍. ജമാല്‍, പി.എ. ഷിബു, ബാബു കുര്യാക്കോസ്, പി.എസ്. സുബൈര്‍, കെ.എ. നൗഷാദ് എന്നിവരടങ്ങുന്ന സംഘമാണ് പിടികൂടിയത്.