സംസ്ഥാനത്ത് ശനിയാഴ്ച മുതല് ചൊവ്വ വരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. വടക്ക്കിഴക്കന് ബംഗാള് ഉള്ക്കടലിലും അതിനോട് ചേര്ന്ന മധ്യകിഴക്കന് ബംഗാള് ഉള്ക്കടലിലും വെള്ളിയാഴ്ച വൈകുന്നേരത്തോടെ ന്യൂനമര്ദം രൂപപ്പെടാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. 48 മണിക്കൂറില് ന്യൂനമര്ദം ഒഡീഷ തീരത്തേക്ക് സഞ്ചരിക്കാന് സാധ്യതയുണ്ട്. ഇടിമിന്നലോട് കൂടിയ മഴയ്ക്കാണ് സാധ്യത. തെക്കന് കേരളത്തിലും മധ്യകേരളത്തിലും മഴ സജീവമായേക്കും.
പത്തനംതിട്ട, ആലപ്പുഴ ജില്ലകളില് ശനിയാഴ്ച യെലോ അലേര്ട് പ്രഖ്യാപിച്ചു. ഞായറാഴ്ച്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലും തിങ്കളാഴ്ച തിരുവനന്തപുരം മുതല് എറണാകുളം വരെ ഏഴ് ജില്ലകളിലും യെലോ അലേര്ട് മുന്നറിയിപ്പുണ്ട്. കേരള- കര്ണാടക- ലക്ഷദ്വീപ് തീരങ്ങളില് നിലവില് മീന്പിടുത്തത്തിന് തടസമില്ല.