യുഎസ് റീട്ടെയില് ശൃംഖലയായ വാള്മാര്ട്ടിന്റെ പിന്ബലത്തില് പ്രവര്ത്തിക്കുന്ന ഫ്ളിപ്കാര്ട്ടും, ഫ്ളിപ്കാര്ട്ടിനു കീഴില് പ്രവര്ത്തിക്കുന്ന മിന്ത്രയും ചേര്ന്ന് 15,000 തൊഴിലവസരങ്ങള് സൃഷ്ടിക്കുന്നു. ഫ്ളിപ്കാര്ട്ട് 4,000 തൊഴിലവസരങ്ങളും മിന്ത്ര 11,000 തൊഴിലവസരങ്ങളുമാണ് സൃഷ്ടിക്കുന്നത്. ഉത്സവസീസണ് മുന്നില്കണ്ട് പ്രവര്ത്തനങ്ങള് വിപുലീകരിക്കുന്നതിന്റെ ഭാഗമായാണ് നീക്കം. ഫുള്ടൈം, പാര്ട് ടൈം തൊഴില് തേടുന്നവര്ക്ക് സുവര്ണാവസരമാണ് ഇത്. ‘ഫ്ളിപ്കാര്ട്ട് എക്സ്ട്രാ’ എന്ന പേരിലാണ് ഓഫര് പ്രഖ്യാപിച്ചിരിക്കുന്നത്. കോവിഡ് കാലത്ത് തൊഴില്ദാനം വേഗത്തിലും സുഗമവുമാക്കുന്നതിനായി ഫ്ളിപ്കാര്ട്ട് എക്സ്ട്രാ എന്ന പ്ലേ സ്റ്റോര് ആപ്പും കമ്പനി പുറത്തിറക്കി. ഇതുവഴിയാണ് ഉദ്യോഗാര്ഥികള് അപേക്ഷിക്കേണ്ടത്.
© NERARIYAN | 2023