കോഴിക്കോട് മിഠായിത്തെരുവില്‍ ഇടക്കിടെ തീപിടിത്തമുണ്ടാവുന്നത് അന്വേഷിക്കുമെന്ന് പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ്. ഇതിന് ശാശ്വത പരിഹാരം കാണാനുള്ള ആലോചനകള്‍ നടത്തും. ഫയര്‍ഫോഴ്‌സിനോട് റിപ്പോര്‍ട്ട് ആവശ്യപ്പെട്ടിട്ടുണ്ട്. അശാസ്ത്രീയമായി സാധനങ്ങള്‍ സൂക്ഷിച്ചിരുന്നോ എന്ന് പരിശോധിക്കുമെന്നും മന്ത്രി വ്യക്തമാക്കി. ഇന്ന് ഉച്ചക്ക് ശേഷമാണ് മിഠായിത്തെരുവില്‍ വീണ്ടും തീപിടിത്തമുണ്ടായത്. പാളയം മൊയ്തീന്‍ പള്ളിക്ക് സമീപത്തുള്ള വി കെ എം ബില്‍ഡിങ് ഷോപ്പിങ് കോംപ്ലക്‌സിലെ ജെ ആര്‍ ഫാന്‍സി എന്ന ചെരുപ്പ് കടക്കാണ് തീപിടിച്ചത്.