മുത്തശ്ശനൊപ്പം വീട്ടുമുറ്റത്ത് കളിക്കുകയായിരുന്ന രണ്ടര വയസുകാരി പാമ്പുകടിയേറ്റുമരിച്ചു. കൊട്ടാരക്കര പള്ളികാലിലാണ് നാടിനെയാകെ നൊമ്പരപ്പെടുത്തിയ മരണം. പള്ളിയ്ക്കല് റാണി ഭവനത്തില് രതീഷ്-ആര്ച്ച ദമ്പതികളുടെ മകൾ നീലാംബരിയാണ് മരിച്ചത്. ഇന്നലെ രാത്രി വീട്ടുമുറ്റത്ത് അമ്മയുടെ അച്ഛന് ശ്രീജയനൊപ്പം കളിച്ചുകൊണ്ട് നില്ക്കുകയായിരുന്നു കുട്ടി. ഫോണ് വന്നതോടെ ശ്രീജയന്റെ ശ്രദ്ധ മാറി. തിരികെ നോക്കിയപ്പോള് പാമ്പ് മതിലിനോട് ചേര്ന്ന ദ്വാരത്തിലേക്ക് കയറുന്നത് കണ്ടു. കുട്ടിയുടെ കാലില് കടിയേറ്റ പാട് കണ്ടതോടെ ഉടനെ കൊട്ടാരക്കര താലൂക്ക് ആശുപത്രിയിലും അവിടെ നിന്നും തിരുവനന്തപുരം മെഡിക്കല് കോളേജ് ആശുപത്രിയിലും എത്തിച്ചുവെങ്കിലും ജീവന് രക്ഷിക്കാനായില്ല.