ഐടി, ഐടി അനുബന്ധ മേഖലയില് ജോലി ചെയ്യുന്ന തൊഴിലാളികളുടെ ക്ഷേമത്തിന് പ്രത്യേക പദ്ധതി രൂപീകരിക്കാന് കേരള മന്ത്രിസഭാ തീരുമാനം. ഇതിന്റെ നടത്തിപ്പ് കേരള ഷോപ്പ്സ് ആന്ഡ് കമേഴ്സ്യല് എസ്റ്റാബ്ലിഷ്മെന്റ്സ് തൊഴിലാളി ക്ഷേമബോര്ഡിനായിരിക്കും.
പെന്ഷന്, കുടുംബപെന്ഷന്, പ്രസവാനുകൂല്യം, വിവാഹാനുകൂല്യം, ചികിത്സാസഹായം, വിദ്യാഭ്യാസ സഹായം, മരണാനന്തര ആനുകൂല്യം എന്നിവയാണ് ഈ പദ്ധതിയില് വിഭാവനം ചെയ്തിട്ടുള്ളത്.
പത്ത് ജീവനക്കാരില് താഴെയുള്ള ഐടി സംരംഭകരെയും ഈ പദ്ധതിയില് ഉള്പ്പെടുത്തും. സംസ്ഥാനത്ത് രണ്ട് ലക്ഷത്തിലേറെ ഐടി അനുബന്ധ ജീവനക്കാര് ഉണ്ടെന്നാണ് കണക്കാക്കുന്നത്. ജീവനക്കാരും കുടുംബാംഗങ്ങളും ക്ഷേമനിധിയുടെ പരിധിയില് വരും. 18-നും 55-നും ഇടയ്ക്ക് പ്രായമുള്ളവര്ക്കാണ് അംഗത്വത്തിന് അര്ഹത.