പുതിയ ഇന്നോവ മാരുതി പുറത്തിറക്കിയേക്കും? ഞെട്ടി വാഹന ലോകം

0
129

ടൊയോട്ടയും മാരുതി സുസുക്കിയും പങ്കാളികളായതോടെ, എല്ലാ ടൊയോട്ട മോഡലുകളും മാരുതി റീബാഡ്ജ് ചെയ്യുമെന്നായിരുന്നു റിപോർട്ടുകൾ. റീബാഡ്ജ് ചെയ്‌ത ഫോർച്യൂണർ, ഇന്നോവ അല്ലെങ്കിൽ ഹിലക്സ് ഏതെല്ലാം പ്രതീക്ഷിച്ചിരുന്ന വാഹനപ്രേമികൾക്ക് ആവേശകരമായ വാർത്തയുമായി ടൊയോട്ട. അടുത്ത തലമുറ ഇന്നോവ ഹൈക്രോസ് മാരുതി സുസുക്കിക്കായി റീബാഡ്ജ് ചെയ്യും എന്നാണ് പുതിയ റിപോർട്ടുകൾ.

ഇന്നോവ ഹൈക്രോസ് നവംബറിൽ പുറത്തിറക്കാനാണ് ടൊയോട്ട തയ്യാറെടുക്കുന്നത്. ഇന്നോവ നെയിംപ്ലേറ്റ് ആദ്യമായി മോണോകോക്ക് പ്ലാറ്റ്‌ഫോമിനെ അടിസ്ഥാനമാക്കിയുള്ളതിനാൽ നിലവിലുള്ള ക്രിസ്റ്റയിൽ നിന്ന് തികച്ചും വ്യത്യസ്തമായ പതിപ്പായിരിക്കും ഇത്. കൂടാതെ, ജനപ്രിയ എംപിവിയുടെ മറ്റൊരു പ്രതേകത ശക്തമായ ഹൈബ്രിഡ് പവർട്രെയിനിന്റെ സാന്നിധ്യമായിരിക്കും.

190PS-ൽ കൂടുതൽ കരുത്ത് പകരാൻ സാധ്യതയുള്ള ഒരു ഇലക്ട്രിക് മോട്ടോറുമായി ചേർന്ന് 2-ലിറ്റർ പെട്രോൾ എഞ്ചിൻ ആയിരിക്കും ഇത്. റിയർ വീൽ ഡ്രൈവ് മാത്രമായിരുന്ന ഇന്നോവയുടെ നിലവിലെ പതിപ്പിൽ നിന്ന് വ്യത്യസ്തമായി ഈ പവർട്രെയിൻ ഫ്രന്റ് വീൽ സ്പിനും സാധ്യമാക്കും. ഓഫറിൽ ഡീസൽ എഞ്ചിൻ ഉണ്ടാകില്ല എന്നാണ് റിപോർട്ടുകൾ.

ഇന്നോവ ഹൈക്രോസിനും മാരുതിയുടെ എംപിവി പതിപ്പിനും ഏകദേശം 20 ലക്ഷം രൂപ (എക്‌സ്-ഷോറൂം) ആരംഭിക്കാൻ സാധ്യതയുണ്ട്, ഇത് കിയ കാരൻസ്, മഹീന്ദ്ര മരാസോ എന്നിവയ്‌ക്ക് ഒരു പ്രീമിയം ബദലായിരിക്കും.