ആന്ധ്രാപ്രദേശിലെ കഡപ്പയിൽ ചുണ്ണാമ്പുകല്ല് ക്വാറിയിലുണ്ടായ സ്‌ഫോടനത്തിൽ പത്തുപേർ മരിച്ചു. നിരവധിപേർ പരിക്കുകളോടെ ക്വാറിക്കുള്ളിൽ കുടുങ്ങിയതായാണ് റിപ്പോർട്ടുകൾ. ശനിയാഴ്ച രാവിലെയായിരുന്നു സ്ഫോടനം. ക്വാറിയിലെ പാറയില്‍ സ്ഫോടക വസ്തുക്കള്‍ നിറക്കുന്നതിനിടെയാണ് അപകടം. ഇവിടെ തൊഴിലെടുക്കുന്നവരാണ് അപകടത്തിൽപ്പെട്ടത്. മൊത്തം 40 തൊഴിലാളികൾ ഉണ്ടായിരുന്നുവെന്നാണ് പ്രാഥമിക നിഗമനം. രക്ഷാപ്രവർത്തനം പുരോഗമിക്കുകയാണ്.