കർഷക സമരത്തെ പിന്തുണച്ച ബ്രിട്ടീഷ് നടി ജമീല ജമീലിന് ബലാത്സംഗ ഭീഷണി

 ഇന്ത്യയിലെ കർഷക പ്രതിഷേധത്തെ പിന്തുണച്ച ബ്രിട്ടീഷ് നടി ജമീല ജമീലിന് ബലാത്സംഗ ഭീഷണി. സ്വകാര്യ സന്ദേശങ്ങൾ വഴിയാണ് ഭീഷണി സന്ദേശങ്ങൾ ലഭിച്ചെന്ന് നടി വ്യക്തമാക്കി. ഇൻസ്റ്റഗ്രാമിലാണ് ജമീലയുടെ പ്രതികരണം.

‘കുറച്ചു മാസങ്ങളായി ഇന്ത്യയിലെ കർഷകരെ കുറിച്ച് നിരന്തരം സംസാരിച്ചു കൊണ്ടിരിക്കുന്നുണ്ട്. ഓരോ സമയത്തും എനിക്ക് ബലാത്സംഗ, വധ ഭീഷണികൾ ലഭിച്ചു കൊണ്ടിരിക്കുന്നു. ഞാനുമൊരു മനുഷ്യനാണ് എന്ന് എനിക്ക് സ്വകാര്യ സന്ദേശങ്ങൾ അയക്കുന്നവർ ഓർക്കണം. അവകാശങ്ങൾക്കായി പൊരുതുന്നവർക്കാണ് എന്റെ ഐക്യദാർഢ്യം’ – അവർ വ്യക്തമാക്കി.