വാട്സാപ്പ് പ്രൈവസി പോളിസി വിവാദമാകുന്നതോടെ അവകാശവാദവുമായി വാട്സാപ്പ് രംഗത്ത്. ‘ ചില ഊഹാപോഹങ്ങൾ പ്രചരിക്കുന്ന സമയത്ത് കാര്യങ്ങൾ വ്യക്തമാക്കേണ്ടതുണ്ട്. നിങ്ങളുടെ സ്വകാര്യ സന്ദേശങ്ങൾ end-to-end encryption മുഖേന സുരക്ഷിതമാണ്’; വാട്സാപ്പ് ട്വിറ്ററിൽ വ്യക്തമാക്കി.
പുതുക്കിയ പ്രൈവസി പോളിസി സുഹൃത്തുക്കളുടെയോ കുടുംബത്തിന്റെയോ സ്വകാര്യതയെ ബാധിക്കില്ലെന്നും പരിഷ്‌കരണം ബിസിനസ് അക്കൗണ്ടുകളെ മാത്രമേ ബാധിക്കുകയുള്ളൂവെന്നും കമ്പനി പറഞ്ഞു.
ഇത് രണ്ടാം തവണയാണ് വിശദീകരണവുമായി വാട്സാപ്പ് രംഗത്തു വന്നത്.അതേസമയം വാട്സാപ്പ് വിശ്വാസ്യത ചോദ്യം ചെയ്യപ്പെടുമ്പോൾ സിഗ്നൽ അപ്ലിക്കേഷൻ സ്വീകാര്യത കൂടുകയാണ്.
