Home Politics പി ടി തോമസിനെതിരെ പരാതി നൽകിയ സിപിഐഎം നേതാവിനെ വെട്ടിക്കൊല്ലാൻ ശ്രമം

പി ടി തോമസിനെതിരെ പരാതി നൽകിയ സിപിഐഎം നേതാവിനെ വെട്ടിക്കൊല്ലാൻ ശ്രമം

SHARE

അഞ്ചുമന കള്ളപ്പണ ഭൂമിയിടപാടില്‍ പി ടി തോമസ് എംഎല്‍എക്കെതിരെ അന്വേഷണം ആവശ്യപ്പെട്ടു പരാതി നൽകിയ സിപിഐഎം നേതാവിനെ വധിക്കാൻ ശ്രമം. വെണ്ണല സഹകരണബാങ്ക് പ്രസിഡന്‍റും സിപിഐഎം വൈറ്റില ഏരിയ കമ്മിറ്റിയംഗവുമായ അഡ്വ. എ എന്‍ സന്തോഷിനെതിരെയാണ് കൊലപാതക ശ്രമം ഉണ്ടായത്. പ്രഭാത സവാരിക്കിടെ ബൈക്കിലെത്തിയ മൂന്നംഗ സംഘം കൊലപ്പെടുത്താന്‍ ശ്രമിക്കുകയായിരുന്നു. തലനാരി‍ഴയ്ക്കാണ് രക്ഷപ്പെട്ടതെന്ന് സന്തോഷ് പറഞ്ഞു.

“രാവിലെ പതിവ് പോലെ നടക്കാനിറങ്ങിയപ്പോള്‍ മൂന്നംഗ സംഘം ബൈക്കില്‍ കടന്നുപോകുകയും തന്നെ നിരീക്ഷിക്കുകയും ചെയ്തിരുന്നു. എന്നാല്‍ ആ സമയം മറ്റ് നിരവധി പേര്‍ ഉണ്ടായിരുന്നതിനാല്‍ ആക്രമണം ഉണ്ടായില്ല. പിന്നീട് വിജനമായ സ്ഥലത്ത് കൂടി നടക്കുമ്പോള്‍ ബൈക്കിലെത്തിയ സംഘാംഗങ്ങളില്‍ ഒരാള്‍ കത്തിയുമായി വീശിയടുക്കുകയായിരുന്നു. ഒ‍ഴിഞ്ഞുമാറിയ താന്‍ ആളുമാറിയതാണെന്ന് കരുതി മാസ്ക്ക് നീക്കി കാണിച്ചു. എന്നിട്ടും ആക്രമണം തുടരുകയാണുണ്ടായത്. ഇതോടെ ആസൂത്രിതമായ ആക്രമണമാണെന്ന് മനസ്സിലാക്കിയ താന്‍ പിന്തിരിഞ്ഞ് ഓടുകയായിരുന്നു. പെട്ടെന്ന് ആ വ‍ഴിയിലൂടെ കടന്നുവന്ന മാലിന്യ വണ്ടിയില്‍ കയറിയതുകൊണ്ടാണ് രക്ഷപ്പെട്ടത്. അക്രമികള്‍ വാഹനം കണ്ടതോടെ ബൈക്കില്‍ കയറി രക്ഷപ്പെട്ടു. അക്രമികളുടെ സിസിടിവി ദൃശ്യങ്ങള്‍ ശേഖരിച്ചിട്ടുണ്ട്. ക‍ഴിഞ്ഞ 30 വര്‍ഷമായി പൊതുപ്രവര്‍ത്തനം നടത്തുന്ന തനിക്ക് ശത്രുക്കള്‍ ആരുമില്ലെന്ന് അഡ്വ. സന്തോഷ് പറയുന്നു.

മൂന്ന് ദിവസം മുമ്പാണ് പിടി തോമസിനെതിരെ അന്വേഷണം ആവശ്യപ്പെട്ട് മുഖ്യമന്ത്രിക്ക് പരാതി നല്‍കിയത്. കൂടാതെ പിടി തോമസിന്‍റെ രാജി ആവശ്യപ്പെട്ട് എല്‍ഡിഎഫ് നടത്തിയ പ്രതിഷേധ സമരങ്ങളില്‍ പ്രസംഗിച്ചിരുന്നു. പിന്നാലെ എറണാകുളം ഡിസിസി നടത്തിയ വിശദീകരണ യോഗത്തില്‍ തന്‍റെ പേരെടുത്ത് പറഞ്ഞ് കോണ്‍ഗ്രസ് നേതാക്കളും വിമര്‍ശിച്ചിരുന്നു. ഇതിന് ശേഷമുണ്ടായ ആക്രമണം അഞ്ചുമന ഭൂമിയിടപാടിന്‍റെ തുടര്‍ച്ചയായാണ് കരുതുന്നതെന്ന് അഡ്വ. എ എന്‍ സന്തോഷ് പറഞ്ഞു.”

സംഭവത്തില്‍ അന്വേഷണം ആവശ്യപ്പെട്ട് അദ്ദേഹം പോലീസില്‍ പരാതി നല്‍കിയിട്ടുണ്ട്. അതേസമയം അഡ്വ. എഎന്‍ സന്തോഷിനെ എല്‍ഡിഎഫ് കണ്‍വീനര്‍ എ വിജയരാഘവന്‍ വീട്ടിലെത്തി സന്ദര്‍ശിച്ചു. സംഭവം വളരെ ഗൗരവകരമായി വിഷയമാണെന്നും സിനിമയില്‍ നടക്കുന്നതുപോലുളള കാര്യങ്ങള്‍ നടന്നതെന്നും അദ്ദേഹം പറഞ്ഞു. പി ടി തോമസ് എം എല്‍ എ പൊതുജീവിതത്തെ അധോലോകമാക്കി മാറ്റിയെന്നതിന്‍റെ ഉദാഹരണമാണിത്. പ്രതികളെ ഉടന്‍ പിടികൂടണമെന്നും അദ്ദേഹം ആവശ്യപ്പെട്ടു. സിപിഎം എറണാകുളം ജില്ലാ സെക്രട്ടറി സിഎന്‍ മോഹനന്‍, എം ദിനേശ് മണി അടക്കമുളളവര്‍ എത്തിയിരുന്നു. അഞ്ചുമനയിലെ വിവാദഭൂമിയിലും വിജയരാഘവന്‍ സന്ദര്‍ശനം നടത്തിയിരുന്നു.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.