നാലാമത് ഡയലോഗ് അന്താരാഷ്ട്ര ചലച്ചിത്രോത്സവത്തിന്റെ ലോഗോപ്രകാശനം ഒറ്റപ്പാലം എൻ.എസ്.എസ്.കോളേജിൽ നടന്നു. പ്രശസ്ത ചലച്ചിത്ര തിരക്കഥാകൃത്ത് ജയരാജ് മിത്ര ഉദ്ഘാടനം ചെയ്തു. കോളേജ് യൂണിയൻ സ്റ്റാഫ് അഡ്വെെസർ പ്രൊഫസർ കെ.നയന സ്വാഗതം പറഞ്ഞ യോഗത്തിൽ കോളേജ് പ്രിൻസിപ്പാൾ ഡോ.എസ്. ബാലചന്ദ്രൻ അധ്യക്ഷത വഹിച്ചു. ഡയലോഗ് ഫിലിം സൊസെെറ്റിയുടെ നേതൃത്വത്തിലാണ് ചലച്ചിത്രോത്സവം സംഘടിപ്പിക്കുന്നത്.
എൻ.എസ്.എസ് കോളേജ് യൂണിയൻ ഭാരവാഹികൾ ചേർന്ന് ലോഗോ പ്രകാശനം നിർവഹിച്ചു. നഗരസഭാ ചെയർമാൻ എൻ.എം.നാരായണൻ നമ്പൂതിരി മുഖ്യ അതിഥിയായി. ഡയലോഗ് ഫിലിം സൊസൈറ്റി പ്രവർത്തകൻ കെ.എസ്.സവാദ്, കോളേജ് യൂണിയൻ ചെയർപേഴ്സൺ എം.വി.വിസ്മയ തുടങ്ങിയവർ പങ്കെടുത്തു സംസാരിച്ചു. മാഗസിൻ എഡിറ്റർ എ.എൻ.നിലീന നന്ദി പറഞ്ഞു.
ജനുവരി 19 മുതൽ 22 വരെ ലക്ഷ്ണി തിയ്യേറ്റർ, ഫൺ സിറ്റി മാൾ എന്നിവിടങ്ങളിലായാണ് മേള നടക്കുന്നത്.
